7-9 қараша және 13-15 қараша аралығында «Алау» мұз сарайында шорт-тректен ISU жасөспірімдер арасындағы Әлем кубогінің бірінші және екінші кезеңдері (ISU Junior World Cup Short Track Astana 2025/26) өтеді, деп хабарлайды malimsports.kz.
Қазақстан конькишілер одағының баспасөз қызметінің мәліметінше, ел астанасына 27 елден 150-ден астам спортшы келеді. Олардың қатарында Қазақстан, Оңтүстік Корея, Қытай, Жапония, Канада, АҚШ, Нидерланд, Польша және шорт-трек спорты дамыған өзге де мемлекеттер бар.
Жас спортшылар 500 м, 1000 м және 1500 м қашықтықтарында, сондай-ақ ерлер мен әйелдер арасындағы 3000 м эстафетада және аралас 2000 м эстафетада жүлделер үшін бақ сынайды.
Қазақстан намысын қорғайтын спортшылар:
Полина Омельчук, Анастасия Галечина, Богдан Вехов, Павел Цой, Нұрия Алпысбай, Қасымбек Асылхан, Гүлдана Жалмұхан, Тамирлан Жолдас, Райана Манарбекова, Мадияр Мадихов және Мейіржан Төлеген.
Қазақстанда әлем кубогының екі кезеңін өткізу — отандық шорт-тректің дамуына серпін беріп, Халықаралық конькишілер одағының (ISU) елімізге деген сенімін айқындайды.
Көрермендер үшін кіру тегін.
Фото: ҰОК
