Астанада жасөспірімдер арасындағы шорт-трек бойынша Әлем кубогы басталды.
Бүгін Астанада жасөспірімдер арасындағы ISU шорт-трек бойынша Әлем кубогының бірінші кезеңі басталды. Жарысқа Қазақстанды қоса алғанда, 22 елден 140 спортшы қатысып жатыр.
Бірінші жарыс күнінде спортшылар 500 м, 1000 м және 1500 м қашықтықтарында, сондай-ақ ерлер мен әйелдер арасындағы 3000 м эстафета және 2000 м аралас эстафетада іріктеу кезеңдерінде бақ сынады.
Қазақстан жасөспірімдер құрамасының алғашқы нәтижелері:
Мадияр Мадихов – 1500 м жартылай финал, 1000 м ширек финал;
Нұрия Алпысбай – 1500 м жартылай финал, 500 м ширек финал;
Райана Манарбекова – 1500 м жартылай финал;
Қасымбек Асылхан – 1000 м ширек финал;
Тамирлан Жолдас – 1500 м жартылай финал, 500 м ширек финал;
Богдан Вехов – 1500 м жартылай финал, 1000 м ширек финал;
Павел Цой – 500 м және 1000 м ширек финал;
Полина Омельчук – 500 м және 1000 м ширек финал.
Сонымен қатар, ерлер мен әйелдер эстафеталық құрамалары 3000 метрлік жарыстың жартылай финалына жолдама алды.
Айта кетейік, жасөспірімдер арасындағы ISU шорт-трек бойынша Әлем кубогының бірінші кезеңі 7–9 қараша аралығында Астанадағы «Алау» мұз сарайында өтуде. Екінші кезең 13–15 қараша күндері жалғасады.
Фото: Радмир Фахрутдинов .
