Әліби Ыдырыс UFC-де бақ сынауды көздейді
NAIZA ұйымында ең жеңіл салмақта чемпион атанған қазақстандық файтер Әліби Ыдырыстың әлемдегі жетекші ММА лигасындағы алғашқы жекпе-жегінің уақыты мен қарсыласы белгілі болды, деп хабарлайды malimsports.kz.
El.kz интернет порталының жазуынша, ММА сарапшысы Марсель Дорфф хабарлағандай, Әліби өз дебютінде ямайкалық спортшы Оде Осборнмен (13-9) октагонға шығуы тиіс. Кездесу 21 ақпанда Хьюстон (АҚШ) қаласында өтетін UFC турнирінің бағдарламасына енгізілген.
Айта кетсек, Осборн 2023 жылдың 5 тамызында тағы бір қазақстандық Асу Алмабаевпен (23-3) кездесіп, сол жекпе-жекте екінші раундта техникалық жеңіліспен ұтылған еді.
Еске сала кетейік, тамыз айында Әлібидің Джозеф Моралеспен өткізген айқасында UFC-мен келісімшарт мәселесі тұрған болатын. Сол кезде Әліби UFC 319 іріктеу кезеңінде жеңілгеніне қарамастан, промоушен оның әлеуетін жоғары бағалап, төрт жекпе-жекке арналған келісімшарт ұсынған.
Фото: Найза лигасы
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
