115 жылдық тарихы бар «Брешиа» клубы қызметін тоқтатты
Италияның әйгілі «Брешиа» футбол клубы қаржылық қиындықтарға байланысты қызметін тоқтатты. Клубтың банкрот болғаны туралы шешімді Брешиа қаласының соты шығарды, деп хабарлайды malimsports.kz.
Италиялық БАҚ-тың мәліметінше, сот шешімі 28 шілде күні, клуб президенті Массимо Челлиноның 70 жасқа толған күнінде қабылданған.
1911 жылы құрылған «Брешиа» 115 жылға жуық тарихында Италияның А сериясы мен В сериясында өнер көрсетті. Алайда клубтың шамамен 20 миллион еуро көлеміндегі қарызы оның қызметін жалғастыруына мүмкіндік бермеді.
2025 жылдың жазында Италия футбол федерациясы (FIGC) қаржылық міндеттемелердің орындалмауына байланысты «Брешиаға» С сериясында ойнауға лицензия беруден бас тартқан болатын.
«Брешиа» сапында әр жылдары әлемдік футболдың танымал тұлғалары – Хосеп Гвардиола, Роберто Баджо және Андреа Пирло өнер көрсеткен.
Осылайша, италиялық футбол тарихындағы дәстүрлі клубтардың бірі саналатын «Брешиа» қаржылық қиындықтардың салдарынан ресми түрде өмір сүруін тоқтатты.
Фото: Getty Images for Lega B
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
