Қытайлық Тайбэйде өткен Asian Open 2026 халықаралық турнирінде Қазақстан құрамасы 8 медаль жеңіп алды, деп хабарлайды malimsports.kz.
23 елден 236 спортшы қатысқан додада қазақстандық дзюдошылар 2 алтын, 2 күміс және 4 қола жүлдеге қол жеткізді.
Мәди Жеткерген (73 кг) пен Санжар Жаббаров (+100 кг) жарыс жеңімпазы атанса, Мейірбек Байзақов (66 к) пен Айшабибі Мұрадимова (52 кг) күміс жүлдемен күптелді. Ал Асылхан Зинуллин (60 кг). Нұрсұлтан Зайзағалиев (66 кг), Мәди Еділбаев (+100 кг) және Аяна Дүйсенбай (48 кг) қола жүлдегер атанды.
Жалпыкомандалық есепте Қазақстан құрамасы үшінші орынға ие болды.
Командалық есепте бірінші орынды 7 алтын, 5 күміс және 10 қола медаль жеңіп алған Оңтүстік Корея құрамасы иеленді. Екінші орынға 4 алтын, 1 күміс және 2 қола жүлдесі бар Жапония құрамасы тұрақтады.
Фото: IJF
