Зинедин Зидан Франция құрамасының бас бапкері болуға жақын

Фабрицио Романо таратқан ақпаратқа сәйкес, аңызға айналған футболшы әрі бапкер Зинедин Зидан 2026 жылғы әлем чемпионаты аяқталған соң Франция ұлттық футбол құрамасы бас бапкері қызметіне келуге жақын.

Инсайдердің мәліметінше, 53 жастағы француз маманы ұлттық құраманы тізгіндеу бойынша ауызша келісімге келген. Ресми жарияланым 2026 жылғы әлем чемпионаты аяқталғаннан кейін жасалуы мүмкін.

Қазіргі таңда «үш жолақтыларды» жаттықтырып жүрген Дидье Дешам әлем біріншілігінен соң қызметінен кететінін бұған дейін мәлімдеген. Франция футбол федерациясы әзірге ресми ақпарат таратпағанымен, тараптар келіссөздердің соңғы кезеңіне жақындағаны айтылуда.

Зинедин Зидан 2021 жылдан бері бас бапкер қызметін атқарған жоқ. Сол жылы ол «Реал Мадрид» клубынан кеткен болатын. Соған қарамастан, соңғы жылдары оның есімі Франция құрамасындағы ықтимал тағайындаумен тұрақты түрде байланыстырылып келді.

Ойыншы ретінде Зидан Франция құрамасымен бірге:

1998 жылғы әлем чемпионы

2000 жылғы Еуропа чемпионы атанды

Бапкер ретіндегі басты жетістіктері

«Реал Мадрид» тізгінінде Зидан:

Чемпиондар лигасын қатарынан 3 рет жеңді

Ла Лигада 2 мәрте чемпион атанды

Клубтар арасындағы әлем чемпионатын 2 рет ұтты

УЕФА Суперкубогын 2 рет иеленді

Испания Суперкубогын 2 рет жеңіп алды

Егер келісім ресми түрде расталса, Зидан Франция құрамасының жаңа дәуірін бастайтын маман болмақ.

Фото: bbc.com