«Жеңіс» нигериялық шабуылшы Самсон Иедені қатарға қосты
Астаналық «Жеңіс» футбол клубы 28 жастағы нигериялық шабуылшы Самсон Иедемен келісімшартқа отырғанын ресми түрде хабарлады.
Самсон Иеде кәсіби мансабын Данияның «Митьюлланд» клубының жастар құрамында бастаған. Кейін ол түрлі еуропалық командалардың сапында өнер көрсетті. Атап айтқанда, шабуылшы «Фремад», «Хорсенс», «Фредерисия», Бельгияның «Ломмел» клубында, сондай-ақ Украинаның «Ворскла» және Сербияның «Нови Пазар» командаларында ойнаған.
Ойыншы өз мансабында барлығы 269 матч өткізіп, 63 гол соғып, 26 нәтижелі пас берген.
Transfermarkt порталының мәліметінше, Самсон Иеденің нарықтағы трансферлік құны 450 мың еуроны (шамамен 263 млн теңге) құрайды.
Айта кетейік, өткен маусымда «Жеңіс» Қазақстан Премьер-лигасында 6-орын иеленген болатын.
Карло Анчелотти Неймарды тағы да Бразилия құрамасына шақырмады
Ең көп оқылған