Елордалық «Жеңіс» клубы 28 жастағы грузиялық шабуылшы Лука Имнадземен ресми келісімшартқа қол қойды. Бұл туралы клубтың баспасөз қызметі хабарлады.
Лука Имнадзе – Грузияның «Гурия» клубының түлегі. Ол өз елінде «Сабуртало», «Колхети», «Рустави» және «Самтредия» командаларының намысын қорғаған. Сондай-ақ шабуылшы Әзербайжан чемпионатында «Сабаил» сапында өнер көрсеткен.
Қазақстанда Имнадзе бұған дейін «Ақжайық», «Қызылжар» және «Ордабасы» клубтарында ойнаған.
Қазақстан Премьер-лигасында Лука Имнадзе жалпы 106 матч өткізіп, 15 гол соғып, 12 нәтижелі пас берген.
