«Реал» және Бразилия құрамасының футболшысы Винисиус Жуниордың Мадрид маңындағы Алькобендас қалашығында орналасқан үйінде өрт шықты, деп хабарлайды malimsports.kz Marca-ға сілтеме жасап.
Оқиға 9 қазан күні таңғы сағат 11 шамасында тіркелген. Өрт сөндірушілерге қоңырау Ла-Моралеха ауданынан түскен. Өрт нәтижесінде футболшының үйінің жертөлесінде орналасқан сауна толықтай жанып кеткен.
Оқиға кезінде Винисиус Жуниор үйде болмаған – ол Бразилия құрамасының оқу-жаттығу базасында жүрген. Ешкім зардап шеккен жоқ, дегенмен түтін ғимараттың екі қабатын басып қалған.
Алдын ала болжам бойынша, өрттің шығуына саунадағы электр сымдарының ақауы себеп болуы мүмкін.
Фото: championat.com
