Трамп Инфантиноны ФИФА президенті қызметіндегі 10 жылдығымен құттықтады
АҚШ президенті Дональд Трамп Халықаралық футбол федерациясының (FIFA) президенті Джанни Инфантиноны осы қызметте отырғанына 10 жыл толуымен құттықтады, деп хабарлайды malimsports.kz.
«Джанни Инфантиноны ФИФА президенті қызметіндегі он жылдығымен құттықтаймын. Ол қандай тамаша көшбасшы болды. Бұл қызметте тағы 10, 20 немесе 30 жыл қалады деп үміттенемін!» - деп жазды Трамп Truth әлеуметтік желісінде.
Инфантино ФИФА президенті болып 2016 жылы сайланған. Ол бұл қызметте федерациядағы сыбайлас жемқорлық жанжалынан кейін отставкаға кеткен Йозеф Блаттердің орнына келген еді.
Бұған дейін Трамп 2025 жылдың қарашасында тағайындалған ФИФА-ның бейбітшілік сыйлығының алғашқы лауреаты атанды.
Өткен аптада Инфантино Трамп құрған «Бейбітшілік кеңесінің» алғашқы отырысына қатысты. Бұл кеңес АҚШ-тың Газа секторындағы қақтығысты реттеу жоспарын жүзеге асыру мақсатында құрылған. ФИФА басшысы «USA» жазуы және 45-47 сандары (Трамптың президенттік мерзімдері) бейнеленген қызыл қалпақ киіп барған.
Фото: Getty Images
Карло Анчелотти Неймарды тағы да Бразилия құрамасына шақырмады
Ең көп оқылған
