Шыңғыс Есенаманов Қазақстан құрамасындағы мансабын аяқтады
Тәжірибелі футзалшы Шыңғыс Есенаманов Қазақстан ұлттық құрамасындағы мансабын ресми түрде аяқтады, деп хабарлайды malimsports.kz.
Бұл туралы ойыншы Қазақстан футбол федерациясына берген мәлімдемесінде хабарлады.
«Бұл мен үшін соңғы іріктеу кезеңі болды. Ұлттық құрамада 20 жасымнан бері 16 жыл бойы ойнадым. Көп жарақат алдым, қайта оралдым, өзімді дәлелдеуге тырыстым. Енді жаңа буынға жанкүйер боламын. Қоштасу оңай емес, бірақ спорт тоқтамайды», - деді Есенаманов.
Шыңғыс Есенаманов 1989 жылы Қарағанды қаласында туған. Клубтық мансабында:
2008–2015 жылдары - «Тұлпар» (Қарағанды),
2015–2023 жылдары - «Қайрат» (Алматы),
Соңғы екі маусымда - «Семей» клубының намысын қорғап келеді.
Ұлттық құрамада ол ұзақ жылдар бойы негізгі ойыншылардың бірі болды, түрлі халықаралық турнирлерге қатысты. Алайда Есенаманов қатысқан соңғы іріктеу кезеңінде Қазақстан құрамасы Еуропа чемпионатының финалдық кезеңіне өте алмады.
Осылайша, ел футзалының айтулы ойыншысы ұлттық құрамамен қоштасты. Енді ол өзінің тәжірибесі мен қолдауын жаңа буын ойыншыларына бағыттамақ.
Фото: ҚФФ
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
