СҚО шенеуніктері футболды дамытуға 5,5 млрд теңге бөлмек
Солтүстік Қазақстан облысының шенеуніктері 2026-2028 жылдарға арналған футболды дамытуға 5,5 млрд теңге жұмсауды жоспарлап отыр. Бұл туралы ҚазТАГ агенттігі хабарлады.
Мемлекеттік сатып алу порталында жарияланған мәліметке сәйкес, бірінші лоттың тапсырыс берушісі – СҚО әкімдігіне қарасты дене шынықтыру және спорт басқармасы.
Лот сипаттамасында ерлер, әйелдер және жастар құрамаларына (Екінші лига командасы) арналған футболды дамыту қызметтері қарастырылған. Бұл бағытқа бөлінетін жоспарлы сома:
3 788 836 206,9 теңге.
Ал екінші лот бойынша QJ League командаларының және футбол орталығы топтарының Қазақстан чемпионатына қатысуын қамтамасыз ету көзделген. Бұл жобаға бөлінетін қаражат көлемі:
1 711 163 793,1 теңге.
Осылайша, екі лоттың жалпы құны 5,5 млрд теңгені құрайды.
Айта кетейік, екі конкурсқа өтінім қабылдау басталып кеткен және 8 ақпанда аяқталады.
Фото: «Қызылжар» ФК
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
