Солтүстік Македония – Қазақстан матчының төрешілері белгілі болды
Футболдан 2026 жылғы әлем чемпионатының іріктеу кезеңі аясындағы Солтүстік Македония мен Қазақстан құрамалары арасындағы ойынға төрешілер тағайындалды.
Кездесуді испаниялық төрешілер бригадасы басқарады:
Бас төреші - Хуан Мартинес (Испания);
Қапталдағы көмекшілер - Диего Барберо мен Иван Массо;
Төртінші төреші - Алехандро Муньис Руис.
Матч 13 қазанда, Қазақстан уақытымен сағат 23:45-те басталады. Кездесу «Qazsport» телеарнасынан тікелей эфирде көрсетіледі.
Құрамалар J тобы аясында бақ сынауда.
Бес турдан кейін Қазақстан құрамасы 6 ұпаймен төртінші орында, ал Солтүстік Македония 12 ұпаймен турнир кестесінде көш бастап тұр.
Қазірге дейін қазақстандықтар:
Лихтенштейнді екі рет (2:0, 4:0) жеңді;
Бельгиядан (0:6), Солтүстік Македониядан (0:1) және Уэльстен екі рет (1:3, 0:1) жеңілді.
Ал Солтүстік Македония құрамасы:
Лихтенштейнді екі мәрте (3:0, 5:0) жеңіп,
Бельгиямен (1:1, 0:0) және Уэльспен (1:1) тең ойнаған.
Бұл матч екі команда үшін де іріктеу кезеңіндегі шешуші кездесулердің бірі болмақ.
Фото:Getty Images
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
