Роналду бойкотқа байланысты «Ан-Насрдың» екінші ойынына қатарынан қатыспайды
Бұған дейін Роналду қысқы трансфер кезеңінде «Ан-Наср» сапының елеулі күшейтілмегеніне наразы болып, «Эр-Риядқа» қарсы матчты бойкоттаған еді, деп хабарлайды malimsports.kz.
«Ан-Наср» клубының капитаны Криштиану Роналду Сауд Арабиясы лигасындағы «Аль-Иттихадқа» қарсы матчқа арналған өтінімге енгізілген жоқ. Бұл туралы клубтың баспасөз қызметі Instagram парақшасында хабарлады.
Португалиялық шабуылшы қысқы трансферлік терезеде клубтың құрамды айтарлықтай күшейтпегеніне көңілі толмай, өз алаңындағы «Эр-Риядқа» қарсы ойынды (1:0) бойкот жасаған. Португалияның A Bola басылымы Роналду клуб жалақы бойынша қарызын өтеген жағдайда алаңға шығуы мүмкін болғанын жазады.
Бұған дейін, 2 ақпанда, A Bola Роналдудың Сауд Арабиясының Мемлекеттік инвестициялық қоры (PIF) клубты басқару және оны күшейту саясатына наразы екенін хабарлаған. PIF бақылауында лигада көш бастап тұрған «Аль-Хиляль», сондай-ақ «Аль-Иттихад» пен «Аль-Ахли» клубтары да бар.
Саудия лигасы Роналдудың сынына: «Қаншалықты маңызды тұлға болса да, ешкім өз клубынан тыс шешімдерді анықтамайды», - деп жауап берген.
Роналдудың «Ан-Насрмен» келісімшарты 2027 жылдың жазыны дейін жарамды. Осы маусымда ол барлық турнирде 22 матч өткізіп, 18 гол соқты және үш нәтижелі пас берді.
Фото: Getty Images
Дастан Сәтпаевты «Челси» капитанының әкесі жаттықтырады
Ең көп оқылған
