«Реал Мадрид» футболшылары бүгін Алматыға келеді
Бүгін мадридтік «Реал» ойыншылары Алматыға жол тартады. Испания астанасындағы Адольфо Суарес атындағы Барахас халықаралық әуежайынан жергілікті уақытпен 13:30-да ұшып шығып, әуеде 8 сағат 20 минут болады, деп хабарлайды malimsports.kz.
Жоспар бойынша ұшақ Алматы әуежайына түнгі 00:50-де қонады.
Бұған дейін, шамамен он жыл бұрын «корольдік клуб» футболшылары әлемді екіқабатты, ең ірі жолаушылар ұшағы Airbus A380-800 бортында аралайтын. Ол кезде командаға «Fly Emirates» компаниясы демеушілік жасаған. Соңғы жылдары «Реал» Испанияның басты әуе компаниясы Iberia Airlines-пен келісімшартқа отырған. Алматыға да олар VIP-жолаушыларға арналған орта қашықтықтағы Airbus ұшағымен келеді. Жақында дәл осы әуе кемесімен Валенсияға ұшып барып, жергілікті «Леванте» клубын 4:1 есебімен жеңіп қайтқан болатын.
Айта кетейік, өткен түні сағат 01:50 мен 02:45 аралығында Алматы әуежайына Таяу Шығыстан бір мезетте 8 борт қонды: 6 ұшақ Қатардан, 1 Кувейттен және 1 Дубайдан келген.
30 қыркүйек күні «Реал Мадрид» УЕФА Чемпиондар Лигасының негізгі кезеңі аясында «Қайратпен» кездеседі. Матч Астана уақытымен 21:45-те басталады.
Фото: Ашық дереккөзден
«Қайрат» – «Реал» матчының бас төрешісі белгілі болды
Ең көп оқылған
