Қазақстан Премьер-лигасының кейінге шегерілген IX турындағы соңғы ойында қостанайлық «Тобыл» өз алаңында шымкенттік «Ордабасыны» 1:0 есебімен тізе бүктірді, деп хабарлайды malimsports.kz.
Матчтың 14-минутында Ислам Чесноков пенальтиден мүлт кетпей, жеңіс голын соқты. Осылайша қостанайлық клуб маңызды үш ұпайға қол жеткізіп, турнир кестесінде үшінші орынға көтерілді.
Айта кетейік, бұл екі команда енді 4 қазанда Қызылордада өтетін Қазақстан кубогының финалында қайта жолығады.
Келесі тур ойындары 27, 28 қыркүйек және 5 қазан күндері өтеді.
Фото: Тобыл ФК
