Қазақстан әйелдер құрамасының 32 жастағы капитаны Юлия Мясникова Мәскеудің ЦСКА командасынан кететінін мәлімдеді, деп хабарлайды malimsports.kz.
«Менің ЦСКА-мен жеті жылдық сапарым аяқталды. Клубқа сенім білдіргені және құрамында болу мүмкіндігін бергені үшін алғыс айтамын. Бұл мен үшін кәсіби жолдағы маңызды кезең болды – жоғары талаптармен, жауапкершілікпен және командалық рухпен өтті. Мұнда әр күн бар күшімді салып, дамуды талап етті. Айрықша алғысымды жанкүйерлерге айтқым келеді: сіздердің қолдауларыңыз қиын сәттерде жігер берді және алаңда соңына дейін күресуге мүмкіндік берді!» – деді Мясникова.
2025 жылы спортшы ЦСКА сапында 15 матчқа шықты, үш гол соқты және бір нәтижелі пас берді.
Фото: Юлия Мясникова жеке архивінен
