Қазақстандық төрешілер Наргис Магау мен Татьяна Сорокопудова WU-17 Еуропа чемпионатының іріктеу кезеңінің В4 іріктеу тобының ойындарын басқарады.
Бұл топта Люксембург, Түркия және Солтүстік Ирландия құрамалары ойнайды.
Татьяна Сорокопудова Люксембург – Түркия ойынына қосалқы төреші ретінде, ал Солтүстік Ирландия – Люксембург кездесуіне бас төреші ретінде қызмет етеді.
Ал Наргис Магау Люксембург – Түркия және Түркия – Солтүстік Ирландия матчтарында бас төрешінің көмекшісі болады.
Ойындар 3–8 қарашада Люксембургтің Линтген және Консдорф қалаларында өтеді.
