Қазақстандық шабуылшы Беларусь чемпионатына ауысты
Қазақстандық шабуылшы Ерсұлтан Төреқұл мансабын Беларусьтің «Барановичи» клубында жалғастырады, деп хабарлайды malimsports.kz.
Клубтың баспасөз қызметінің хабарлауынша, 27 жастағы қазақстандық футболшы командамен келісімшартқа қол қойды.
Ерсұлтан Төреқұл кәсіби мансабын 2017 жылы «Астана Ж» клубында бастаған. Кейін «Қайсар», «Жас-Сұңқар» және «Ұлытау» командаларында өнер көрсетті. Қазақстан Премьер-лигасында 28 матч өткізген.
Айта кетейік, бұған дейін, үш жыл бұрын, қазақстандық шабуылшы Беларусьтің «Белшина» клубында қаралымнан өткен болатын. Алайда оқу-жаттығу жиыны кезінде жарақат алып, команда сапына қосыла алмаған еді.
Осылайша, Ерсұлтан Төреқұлдың Беларусь чемпионатындағы алғашқы ресми маусымы «Барановичи» клубында басталмақ.
Фото: "Барановичи" ФК
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
