Қазақстан жасөспірімдер құрамасы (U19) 2025/26 жылғы Еуропа чемпионатының элиталық кезеңінде 5-топқа түсті, деп хабарлайды malimsports.kz.
Қазақстан құрамасының қарсыластары – Украина, Румыния және Солтүстік Ирландия. Ойындар 2026 жылдың 25-31 наурызы аралығында Румынияда өтеді.
Элиталық кезеңге 28 ұлттық команда қатысып, жеті топқа бөлінді. Әр топтың жеңімпазы 2026 жылдың 28 маусым – 11 шілде аралығында Уэльсте өтетін Еуропа чемпионатының финалдық кезеңіне жолдама алады.
Финалдық кезеңге турнирдің ұйымдастырушысы Уэльс құрамасы да автоматты түрде қатысады.
Фото: ҚФФ
