Қазақстан құрамасының FIFA рейтингіндегі орны бір сатыға жақсарды
Халықаралық футбол қауымдастықтары федерациясы – FIFA футболдан ерлер арасындағы ұлттық құрамалардың жаңартылған рейтингін жариялады.
Жаңа рейтингке сәйкес, Қазақстан ұлттық құрамасы бір сатыға жоғарылап, 115-орыннан 114-орынға көтерілді.
Талғат Байсуфинов жаттықтыратын ұлттық команда қараша айында екі кездесу өткізді. 15 қараша күні Қазақстан өз алаңында Бельгия құрамасымен 1:1 есебімен тең ойнап, маңызды бір ұпай еншіледі. Бұл нәтиже рейтингте жоғарылауына әсер етті. Ал 18 қарашада Фарер аралдарына қарсы жолдастық матчта қазақстандықтар 0:1 есебімен жеңіліс тапты.
FIFA рейтингі (алғашқы ондық):
Испания – 1877.18
Аргентина – 1873.33
Франция – 1870.00
Англия – 1834.12
Бразилия – 1760.46
Португалия – 1760.38
Нидерланд –1756.27
Бельгия – 1730.71
Германия – 1724.15
Хорватия – 1716.88
Айта кетейік, рейтингтегі әрбір саты ұлттық құраманың халықаралық аренадағы нәтижелеріне тікелей байланысты есептеледі.
Станимир Стоилов: Қазақ футболының мәселесі тек ұлттық құрамада емес
Ең көп оқылған
