Қазақстан құрамасы Венгриядан жеңіліп қалды
Футболдан Қазақстан ұлттық құрамасы Венгрияға қарсы жолдастық кездесуде жеңіліс тапты, деп хабарлайды malimsports.kz.
Дебрецен қаласындағы «Надьердеи» стадионында өткен матчта алаң иелері 3:1 есебімен жеңіске жетті.
Кездесуде есепті алғаш болып қазақстандық футболшылар ашты. Матчтың 9-минутында қорғаушы Сергей Малый бұрыштамадан берілген пастан кейін баспен дәл соққы жасап, командасын алға шығарды. Нәтижелі пастың авторы – Максим Самородов.
Алайда үзілістен кейін Венгрия құрамасы ойын тізгінін өз қолына алды. Алдымен команда капитаны Доминик Собослаи 52-минутта таразы басын теңестірді. Кейін 67-минутта Андраш Шефер алыстан бағыттаған соққысымен венгрлерді алға шығарды.
Матч тағдырына әсер еткен сәттердің бірі – Максим Самородовтың алаңнан қуылуы болды. Қазақстан құрамасының шабуылшысы 63-минутта екінші сары қағаз алып, ойыннан шеттетілді. Осыдан кейін қазақстандықтар кездесуді бір ойыншы кем өткізді.
Қосымша уақыттың үшінші минутында Раймунд Тот гол соғып, матчтың қорытынды есебін белгіледі – 3:1.
Осылайша, Қазақстан құрамасы маусым айындағы халықаралық матчтар терезесінде жеңіске жете алмады. Бұған дейін ұлттық құрама Армениямен өткен жолдастық кездесуде 1:1 есебімен тең түскен болатын.
Фото: ҚФФ
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
