Бүгін «Астана Арена» стадионында 2026 жылғы әлем чемпионатының іріктеу кезеңі аясында Қазақстан мен Уэльс құрамалары кездесіп, матч 0:1 есебімен қонақтардың пайдасына аяқталды, деп хабарлайды malimsports.kz.
Ойын тағдырын жалғыз гол шешті. 51-минутта Ғалымжан Кенжебек есепті теңестіруге шақ қалды, алайда оның қатты соққысы қақпа маңдайшасынан кері серпілді. Қосымша уақыттың соңғы секундтарында да жанкүйерлер дәмелі болды — алаң иелері айып соққысын орындағанымен, доп тағы да қақпа маңдайшасына тиді.
Ұйымдастырушылардың дерегінше, ойынды 28 219 көрермен тамашалады.
Қазақстан құрамасы J тобында бұған дейін төрт ойын өткізді. Наурызда Кардиффте Уэльске 1:3 есебімен жол берген еді. Кейін сырт алаңда Лихтенштейнді 1:0 есебімен жеңіп, Солтүстік Македониядан 0:1 есебімен ұтылды. Бүгінгі нәтижеден кейін қазақстандықтар Уэльстен тағы да жеңіліп отыр.
