Қазақстан құрамасы Бельгиядан ойсырай жеңілді
Қазақстан ұлттық құрамасы футболдан Еуро-2025 іріктеу кезеңі аясында Бельгиямен кездесіп, ауыр жеңіліске ұшырады, деп хабарлайды malimsports.kz.
Лувенде өткен матч 6:0 есебімен алаң иелерінің пайдасына аяқталды.
Али Алиев бастаған қазақстандықтардың бастапқы құрамында қақпаны Мұхамеджан Сейсен қорғады. Қорғаныс шебінде Нұралы Әліп, Әлібек Қасым, Сұлтанбек Астанов, Улар Жақсыбаев және Ян Вороговский өнер көрсетті. Ортада Серікжан Мужиков пен Рамазан Оразов ойнаса, алдыңғы шепте Максим Самородов, Оралхан Өміртаев және Ғалымжан Кенжебек шықты.
Алғашқы таймда бельгиялықтар Кевин Де Брюйне мен Жереми Докудың голдарының арқасында алға шықты. Үзілістен соң Дастан Сәтпаев пен Ислам Чесноков ойынға қосылғанымен, есепті өзгерту мүмкін болмады. Керісінше, Бельгия тағы төрт мәрте қазақстандықтардың қақпасын дәл көздеп, ойынды ірі есеппен аяқтады.
Бұл нәтиже ұлттық құрама үшін іріктеу кезеңіндегі жағдайды одан сайын қиындатты. Еске салайық, бұған дейін Қазақстан өз алаңында Уэльске 0:1 есебімен есе жіберген еді.
Фото: Sports24.kz
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
