«Қайраттың» үздік сұрмергені Жоао Пауло клубпен қоштасты
Бразилиялық шабуылшы Жоао Пауло маусым соңында Алматының «Қайрат» клубымен қош айтысты, деп хабарлайды malimsports.kz.
37 жастағы футболшы биыл мамыр айында тізесінен ауыр жарақат алып, айқас жіліктің алдыңғы крест тәрізді сіңірін үзіп алған еді. Оған ота жасалып, содан бері алаңға шықпаған.
Жексенбі күні Пауло Қазақстан премьер-лигасының соңғы турында «Астанаға» қарсы матч алдында жанкүйерлермен қоштасты. Клуб өкілдері оған алматылық команда сапында өткізген 112 ойынын бейнелейтін нөмірі 112 жейдені естелік ретінде табыстады.
Жоао Пауло «Қайрат» сапында 2021 жылдан бері өнер көрсетіп, 112 ойында 48 гол соғып, 12 нәтижелі пас берген. Ол 2022 және 2023 жылдары қатарынан, сондай-ақ 2020 жылы «Ордабасы» құрамында лиганың үздік сұрмергені атанған.
Бразилиялық футболшы «Қайратпен» бірге Қазақстан чемпионатын, Кубогын және Суперкубогын жеңіп алған. Егер алматылықтар соңғы турда «Астанадан» ұтылмаса, Пауло екі дүркін Қазақстан чемпионы атанады.
Фото: Арман Жақсығұлов / "Қайрат" ФК
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
