«Қайраттың» Еуропа лигасы плей-оффындағы ықтимал қарсыласы белгілі болды
Алматылық «Қайрат» клубының Еуропа лигасы іріктеу кезеңінің плей-оффындағы ықтимал қарсыласы анықталды, деп хабарлайды malimsports.kz.
Егер Рафаэль Оразбахтин шәкірттері Чемпиондар лигасының үшінші іріктеу кезеңінде Болгарияның «Левски» клубына жол берсе, онда Еуропа лигасының плей-оффында Грекияның ПАОК клубы мен Бельгияның «Андерлехт» командасы арасындағы жұптың жеңімпазымен кездеседі.
Ал «Қайрат» «Левски» тосқауылынан өтіп, Чемпиондар лигасының плей-офф кезеңіне жолдама алса, онда топтық кезең жолдамасы үшін Грекияның АЕК клубымен кездеседі.
Еске салайық, алматылық ұжым Чемпиондар лигасының алғашқы екі іріктеу кезеңінде Черногорияның «Сутьескасын» (2:1, 2:0) және Кипрдің «Омониясын» (0:1, 1:0, пенальтилер сериясында – 6:5) жарыс жолынан шығарған болатын.
«Левски» мен «Қайрат» арасындағы алғашқы кездесу 4 тамызда Болгария астанасы Софияда өтеді. Матч Қазақстан уақытымен 22:30-да басталады. Қарымта ойын 11 тамызда Түркістанда ұйымдастырылып, 20:00-де басталады.
©Depositphotos.com/Alex_Ishchenko
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
