«Қайраттың» Чемпиондар лигасындағы матчтарының күні мен уақыты белгілі болды
Алматылық «Қайрат» футбол клубының УЕФА Чемпиондар лигасының үшінші іріктеу кезеңіндегі қарсыласы Болгарияның «Левски» клубы болды.
Алғашқы кездесу 4 тамызда Болгария астанасы Софияда өтеді. Матч Қазақстан уақытымен 22:30-да басталады.
Жауапты ойын 11 тамызда Түркістан Арена стадионында ұйымдастырылады. Кездесу Қазақстан уақытымен 20:00-де басталады.
Еске сала кетейік, «Қайрат» екінші іріктеу кезеңінде Кипрдің «Омония» клубын жарыс жолынан шығарды. Қос матчтың қорытындысы бойынша есеп 1:1 болды. Алғашқы ойында алматылықтар 0:1 есебімен жеңілсе, қарымта кездесуде 1:0 есебімен жеңіске жетті. Пенальти сериясында қазақстандық клуб 6:5 есебімен басым түсіп, келесі кезеңге жолдама алды.
Өз кезегінде, «Левски» Румынияның «Университатя» (Крайова) командасын екі матчтың қорытындысы бойынша жеңіп шықты. Болгариялық клуб өз алаңында 1:0 есебімен жеңіске жетсе, сырт алаңдағы ойын 2:2 есебімен аяқталды.
«Левски» – Болгарияның қазіргі чемпионы әрі елдегі ең табысты клубтардың бірі. Команда өз тарихында 27 рет Болгария чемпионы, 26 рет Болгария кубогының және 3 рет Суперкубоктың иегері атанған. Сонымен қатар, клуб еурокубоктарда мол тәжірибеге ие және 2006/07 жылғы маусымда Чемпиондар лигасының топтық кезеңіне шыққан алғашқы болгариялық клуб ретінде тарихқа енген.
Фото: «Қайрат» клубының баспасөз қызметі
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
