30 қыркүйекте Т.С.Сегізбаев атындағы Академия алаңында УЕФА Жасөспірімдер лигасының «Қайрат» U-19 және «Реал Мадрид» U-19 командалары арасындағы матчы өтеді, деп хабарлайды malimsports.kz.
Кездесу 12:00-де басталады. Клуб шешіміне сәйкес ойын жабық режимде өтеді.
Матчқа клуб қызметкерлері, Академияның бапкерлер құрамы және тәрбиеленушілердің ата-аналары ғана көрермен ретінде қатыса алады. Сондай-ақ матчқа БАҚ өкілдері қатыса алады. Аккредитацияға өтінім қабылдау туралы ақпарат жақын уақытта жарияланатын болады, - деп жазылған клуб хабарламасында.
Бұл шешім Академия стадионының сыйымдылығы бар-жоғы 250 орынмен шектелгеніне байланысты қабылданған.
«Қайрат» футбол клубы жанкүйерлерге түсіністік білдіргені үшін алғыс айта отырып, команданы экраннан қолдауға шақырады. Жақын уақытта матчтың тікелей трансляциясы жайлы толық ақпарат жариялаймыз, - деді клуб тарапы.
Фото: "Қайрат" ФК клубы
