Алматылық «Қайрат» аргентиналық жартылай қорғаушы Себастьян Себальоспен келісімшартты бұзды. Клубтың хабарлауынша, тараптар келісімді өзара келісім бойынша тоқтатқан, деп жазады malimsports.kz Sports.kz-ке сілтеме жасап.
Себальос «сары-қаралар» сапына биылғы жылдың басында қосылған еді. Ол «Қайрат» құрамында 11 матч өткізіп, бір нәтижелі пас берді.
Айта кетейік, Қазақстан Премьер-лигасының биылғы маусымындағы 18 ойыннан кейін «Қайрат» 39 ұпай жинап, турнир кестесінде екінші орында тұр.
Бүгін, 18 шілдеде Рафаэль Уразбахтин шәкірттері сырт алаңда «Атырауға» қарсы ойнайды. Матч сағат 20:00-де басталады.
Фото: Sports.kz
