Петропавлда «Қызылжар» клубына жаңа заманауи стадион салынады

Петропавлда жергілікті «Қызылжар» командасына арнап жаңа стадион мен футбол академиясы салынады.

Бұл туралы Солтүстік Қазақстан облысының әкімі Ғауез Нұрмұхамбетов мәлімдеді.

Оның айтуынша, өңірде 5 мың көрерменге арналған жабық стадион бой көтереді. Сонымен қатар, оның жанынан екі алаңы бар жеке академия салу жоспарланып отыр.

«Көптен күткен жаңа нысан салынады – бес мың көрерменге арналған жабық стадион, ал жанынан екі алаңы бар бөлек академия бой көтереді. Егер бәрі жоспарға сай жүзеге асса, бұл Петропавлда салынатын үшінші ірі нысан болады», - деді аймақ басшысы.

Қазіргі уақытта өңірде 11 мың жанкүйерге арналған «Қарасай» стадионы бар. Бүгінде «Қызылжар» өз матчтарын осы стадионда өткізіп жүр.

ФОТО: fcqyzyljar