Португалия құрамасының капитаны Криштиану Роналду әлем футболындағы тағы бір тарихи жетістікке жетті, деп жазады malimsports.kz.
2026 жылғы әлем чемпионатының Еуропа аймағындағы іріктеу кезеңінің 4-туры аясында Португалия Лиссабондағы «Жозе Алваладе» стадионында Мажарстан құрамасын қабылдап, 2:2 есебімен тең түсті.
40 жастағы Роналду бұл кездесуде дубль жасап, 22 және 45+3 минуттарда гол соқты. Бұл оның кәсіби мансабындағы 947-ші және 948-ші голдары болды. Сонымен қатар ол әлем чемпионатының іріктеу ойындарында 41 гол соғып, жаңа әлемдік рекорд орнатты.
Мажарстан сапынан Адам Салаи (8-минут) және Доминик Собослаи (90+1-минут) көзге түсті.
Роберто Мартинес жаттықтыратын Португалия құрамасы қазір 10 ұпаймен E тобының көшін бастап тұр, ал Марко Росси басқаратын Мажарстан 5 ұпаймен екінші орында келеді.
Фото: sportbox.ru
