Иран құрамасы футболдан әлем чемпионатына қатыспауы мүмкін
Иранның ерлер футбол құрамасы 2026 жылғы футболдан әлем чемпионаты турниріне қатыспауы мүмкін. Бұл туралы елдің спорт министрі Ахмад Доньямали мәлімдеді, деп жазады malimsports.kz.
Министрдің айтуынша, қазіргі саяси және әскери жағдайға байланысты Иран құрамасының әлем чемпионатына қатысуына мүмкіндік жоқ.
«Сыбайлас жемқор үкімет біздің көшбасшымызды өлтіргеннен кейін, бізде бұл турнирге қатысуға ешқандай мүмкіндік жоқ», - деді Доньямали телеарнаға берген сұхбатында.
Айта кетейік, Иран ұлттық футбол құрамасы іріктеу кезеңінен өтіп, әлем чемпионатына жолдама алған болатын. Команда G тобына түсіп, Бельгия ұлттық футбол құрамасы, Египет ұлттық футбол құрамасы және Жаңа Зеландия ұлттық футбол құрамасымен ойнауы тиіс еді. Бұл матчтарды АҚШ аумағында өткізу жоспарланған.
Сонымен қатар министр әскери қақтығыстар салдарынан мыңдаған ирандық қаза тапқанын атап өтті.
Бұған дейін ФИФА президенті Джанни Инфантино АҚШ президенті Дональд Трамп Иран құрамасының әлем чемпионатына қатысуына мүмкіндік бар екенін растағанын айтқан еді.
Әлем чемпионаты 2026 жылдың 11 маусымы мен 19 шілдесі аралығында АҚШ, Канада және Мексика елдерінде өтеді. Тарихта алғаш рет турнирге 48 команда қатысады. Қазіргі уақытта Иран құрамасы турнирден бас тартқан жағдайда қандай шешім қабылданатыны ресми түрде жарияланған жоқ.
Бұған дейін Австралия билігі Иран әйелдер ұлттық футбол құрамасы ойыншыларын қорғауға алған болатын. Олар Азия кубогындағы Оңтүстік Корея әйелдер құрамасына қарсы матч алдында мемлекеттік әнұранды орындамаған. Осы әрекеті үшін елде оларға қысым жасалуы мүмкін екені айтылған.
Фото: Getty Images
Карло Анчелотти Неймарды тағы да Бразилия құрамасына шақырмады
Ең көп оқылған
