«Интер» мен «Қайрат» матчында кім жеңетініне болжам жасалды
DAZN стримингтік платформасы УЕФА Чемпиондар лигасының жалпы кезеңіндегі төртінші турда өтетін миландық «Интер» мен алматылық «Қайрат» арасындағы ойынға өз болжамын ұсынды, деп жазады malimsports.kz 1bol.kz-ке сілтеме жасап.
Кездесу қарашаның 5-інен 6-сына қараған түні атақты «Сан-Сиро» стадионында өтеді. DAZN сарапшылары бұл ойында алаң иелері ірі есеп айырмашылығымен жеңіске жетеді деп санайды.
«Биылғы маусымда «Интердің» шабуылы ерекше қарқынға ие – шабуылшылар тұрақты түрде гол соғып жүр. Сол үрдіс «Қайратқа» қарсы матчта да қайталанады деп болжанып отыр. Болжам: «Интер» – «Қайрат» – 3:0», – делінген жарияланымда.
Еске сала кетсек, бұған дейінгі турларда «Қайрат» Лиссабонның «Спортингіне» 1:4 есебімен, «Реалға» 0:5 есебімен есе жіберіп, ал Алматыда «Пафоспен» 0:0 есебімен тең түскен болатын. Осылайша, алматылық ұжым Чемпиондар лигасындағы алғашқы ұпайына иелік етті.
Фото:
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
