Қазақстандық маман Андрей Ферапонтов жастар құрамасының бас бапкері міндетін атқарушы болып тағайындалды.
Қазақстан футбол федерациясының хабарлауынша, 50 жастағы Андрей Ферапонтов жастар құрамасының (U-21) бас бапкері міндетін атқарушы қызметіне кірісті.
Ол Еуро-2027 іріктеу кезеңіндегі қарашадағы екі матчта командаға жетекшілік етеді. 13 қарашада Словакиямен, ал 17 қарашада Молдовамен кездесу өтеді.
Ферапонтов бұған дейін Қазақстанның жастар және жасөспірімдер құрамаларында (U-17) бас бапкердің көмекшісі ретінде жұмыс істеген.
Фото: "Оқжетпес" футбол клубы
