Футболдан Германия чемпионатының екінші ойыны кейінге қалдырылды
10 қаңтарда Бремен қаласында «Вердер» және «Хоффенхайм» командалары арасында өтуі тиіс болған Германия чемпионатының 16-шы турындағы матч ауа-райының қолайсыздығына байланысты кейінге қалдырылды, деп хабарлайды malimsports.kz.
Матчтың тоқтатылуы стадиондағы кіреберістер мен көрермендер аймақтарында, сондай-ақ жол айрықтарында мұз қатып, сондай-ақ стадион аумағында қалың қар жинақталуы себеп болып отыр. Бұл жағдайлар төтенше және эвакуациялық жолдарды қауіпсіз пайдалану мүмкіндігін шектейді.
Турнир кестесіне келетін болсақ «Вердер» – 10-шы (17 ұпай), ал «Хоффенхайм» – 5-ші орында (27 ұпай) тұр.
Айта кетейік, 16-шы турдың басқа бір ойыны - «Санкт-Паули» және «РБ Лейпциг» арасындағы матч та осындай себеппен кейінге қалдырылған.
Фото: Ашық дереккөзден
Станимир Стоилов: Қазақ футболының мәселесі тек ұлттық құрамада емес
Ең көп оқылған
