Футболдан бірінші лигада тартысты ойындар өтті
Қазақстан бірінші лигасында өткен тур ойындары қызықты нәтижелермен есте қалды, деп хабарлайды malimsports.kz.
«Ақтөбе-2» өз алаңында «Тараздан» 0:4 есебімен ойсырай жеңілді. Ал Павлодар облысының «Екібастұзы» ақтаулық «Каспиймен» тең түсті – 1:1. Сондай-ақ, «Хан тәңірі» (Алматы) мен «SD Family» (Астана), AKAS (Алматы) пен «Алтай» (Өскемен) арасындағы кездесулер де 1:1 есебімен аяқталды.
19 қыркүйекте жалғасқан ойындарда алматылық «Қайрат-2» шымкенттік «Академия Оңтүстігіне» 0:3 есебімен жол берді. Қарағандының «Шахтері» Түркістан облысының «Жетісайын» ірі есеппен – 5:0 жеңсе, Павлодар облысының «Ертісі» «Түркістанды» 6:1 есебімен тізе бүктірді.
Турнир кестесінде биылғы маусым аса шиеленісті өтіп жатыр. Жиырма бір турдан кейін «Каспий», «Ертіс», «Шахтер» және «Алтай» үздіктер қатарында. Ал алғашқы үш орын иегерлері келесі жылы Премьер-лигаға тікелей жолдама алады. Сарапшылардың болжамынша, биылғы маусымда «Шахтер», «Ертіс» және «Каспий» Премьер-лигаға негізгі үміткерлер болып отыр.
Фото: ҚФФ
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
