ФИФА жанкүйерлердің есімін стадион таблосында көрсету қызметін ақылы түрде ұсынады
Халықаралық футбол федерациясы (ФИФА) 2026 жылғы әлем чемпионаты кезінде жанкүйерлердің есімін стадионның үлкен экранында көрсетуге мүмкіндік беретін жаңа ақылы қызметті іске қосты, деп хабарлайды malimsports.kz.
Бұл туралы The New York Times басылымы хабарлады.
Super Shoutout деп аталатын бағдарлама аясында жанкүйерлер 79 АҚШ долларын (салықтарды қоспағанда) төлеп, өз есімдерін немесе арнайы жолдауларын стадион таблосында көрсете алады.
Қызмет әлем чемпионатының топтық кезеңіндегі барлық 72 матчта қолжетімді болады.
ФИФА мәліметінше, жанкүйерлердің есімі матч басталар алдындағы дайындық кезінде көрсетіледі. Алайда ол ойынның тікелей трансляциясы барысында экранға шығарылмайды.
Сонымен қатар федерация бұл қызметтің тек стадионда отырған көрермендерге арналғанын атап өтті. ФИФА барлық жанкүйерлердің көрсетілген жазуды міндетті түрде көретініне немесе оның телетрансляцияларға, цифрлық платформаларға және өзге де медиаөнімдерге енетініне кепілдік бермейді.
Айта кетейік, 2026 жылғы футболдан әлем чемпионаты 11 маусым мен 19 шілде аралығында АҚШ, Канада және Мексикада өтеді.
Фото: Jay Biggerstaff / Getty Images
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
