«Елімай» клубы құрамын бразилиялық шабуылшымен күшейтті
Семейдің «Елімай» футбол клубы бразилиялық шабуылшы Рожерио Алвис дос Сантостың (Шина) команда құрамына қайта қосылды, деп хабарлайды malimsports.kz.
Шина 1996 жылғы 2 тамызда Бразилияның Сан-Паулу қаласында дүниеге келген. Бойы – 179 сантиметр. Кәсіби мансабында Львовтың «Карпаты» мен «Львов», Қазақстанның «Ақтөбе», БАӘ-нің «Дибба Әл-Фуджайра» және Вьетнамның «Намдинь» клубтарында өнер көрсеткен.
Бразилиялық шабуылшы 2024 жылғы маусымда «Елімай» сапында 21 матч өткізіп, 4 гол соққан болатын.
Енді бразилиялық футболшы Семейге қайта оралып, жасыл-ақ жейдені қайта киеді және командамыздың жеңістеріне өз үлесін қосады! – деп жазды семейлік клубтың баспасөз қызметі.
Айта кетейік, Шина бұған дейін де «Елімай» сапында сәтті өнер көрсетіп, команда жанкүйерлерінің ықыласына бөленген болатын.
Фото: "Елімай" ФК
Әлібек Қасым ресейлік клубтан түскен ұсыныстан бас тартты
Ең көп оқылған
