17 жасқа дейінгі Қазақстан жасөспірімдер құрамасы Беларусьтің Минск қаласында өтетін Даму кубогына қатысады, деп хабарлайды malimsports.kz.
Жарыс қарсаңында Қазақстан U-17 құрамасы Астана қаласындағы ҚФФ Футбол үйінде оқу-жаттығу жиынын өткізеді. Дайындық кезеңінен кейін команда Минскке аттанып, халықаралық турнирде бақ сынайды.
Даму кубогына барлығы 8 команда қатысады: Қазақстан, Беларусь, Тәжікстан, Ресей, Әзербайжан, Өзбекстан, Беларусь U16 және Минск қаласының құрамасы.
Командалар екі топқа бөлінген:
«А» тобы: Қазақстан, Беларусь U17, Тәжікстан, Минск U17
«В» тобы: Беларусь U16, Өзбекстан, Әзербайжан, Ресей
Қазақстан U-17 құрамасының аға жаттықтырушысы Бауыржан Сағындық оқу-жаттығу жиынына шақырылған ойыншылар тізімін жариялады.
Қақпашылар: Никита Килджиев, Әлихан Шайзада (екеуі де – «Шахтер»), Батырхан Серікбай («Жас Қыран»), Камиль Гайнуллин («Қайрат»).
Қорғаушылар: Жәнібек Жайлаубек, Данил Золкин, Мейірлан Балтабаев (бәрі – «Шахтер»), Ислам Рақым, Марлен Әміренов, Мансур Авасханов, Әлфир Ханафи, Әбди Әлихан (бәрі – «Қайрат»), Дінмұхаммед Дайрабай («Жас Қыран»), Нұралы Азатқазы (клубсыз).
Жартылай қорғаушылар: Әлихан Жұмабек, Дамир Юсупбеков («Қайрат»),
Ринат Бейбітов, Акбар Сәденов («Ақтөбе»), Шәріпхан Шәріпжан (клубсыз).
Шабуылшылар: Әнуар Төленді (ҚФФ академиясы), Рустам Сайфимилюков, Дигдар Омаров, Расул Әкімов («Шахтер»), Абылай Жылқайдар, Роман Черноморец, Дәулет Орынбасар («Қайрат»), Расул Досан («Атырау»), Мағзұм Жоламан («Каспий»), Ибраһим Бауыржан («Ақтөбе»).
Фото: ҚФФ
