Чемпиондар лигасының ширек финалына қандай клубтар жолдама алды
Чемпиондар лигасының ширек финалына қатысатын барлық командалар анықталды, деп жазады malimsports.kz.
1/8 финалда «Ливерпуль» туркиялық «Галатасарайды» 4:0 есебімен тізе бүктірді. Голдарды Доминик Собослаи (25-минут), Уго Экитике (51), Райан Гравенберх (53) және Мохаммед Салах (62) соқты.
Параллель матчта немістің «Бавария» итальяндық «Аталантадан» сенімді жеңіске жетті — 4:1. Ағылшындық «Тоттенхэмнің» «Атлетикоға» қарсы жауапты ойында 3:2 есебімен жеңгеніне қарамастан, екі кездесу қорытындысы бойынша ширек финалға мадридтік клуб өтті.
Бұған дейін ширек финалға француздық ПСЖ шығып отыр.
Чемпиондар лигасының 1/4 финалының жұптары:
ПСЖ - «Ливерпуль»
«Реал» - «Бавария»
«Барселона» - «Атлетико»
«Спортинг» - «Арсенал»
Бірінші ойын 7-9 сәуірде өтсе, жауапты матчтар 14-16 сәуірде жалғасады. Чемпиондар лигасының финалы 30 мамырда Будапешттегі «Ференц Пушкаш» стадионында өтеді.
Чемпиондар лигасының қазіргі иегері - ПСЖ. Өткен жылы француздық клуб финалда итальяндық «Интерді» 5:0 есебімен жеңген еді.
Фото: Getty Images
Чемпиондар лигасының ширек финалына қандай клубтар жолдама алды
Ең көп оқылған
