Алматының «Қайрат» футбол клубы бүгін УЕФА Чемпиондар лигасының негізгі кезеңіндегі алғашқы ойынын сырт алаңда Португалияның «Спортинг» командасына қарсы өткізеді, деп жазады malimsports.kz.
Ойынды қазақстандық жанкүйерлер түнгі сағат 00:00-де «Qazaqstan» телеарнасынан тікелей эфирде тамашалай алады.
Кездесудің бас төрешісі болып польшалық Дамиан Сильвестжак тағайындалды. Оған отандастары Павел Сокольницки мен Адам Карасевич көмек береді. Төртінші төреші – Марцин Коханек.
«Қайрат» беделді турнирде мына клубтармен кездеседі:
«Реал Мадрид» (Испания)
«Интер» (Италия)
«Арсенал» (Англия)
«Брюгге» (Бельгия)
«Спортинг» (Португалия)
«Олимпиакос» (Грекия)
«Пафос» (Кипр)
«Копенгаген» (Дания)
Ел чемпиондары бұл кезеңде барлығы 8 матч өткізеді: төртеуі – өз алаңында, төртеуі – сырт алаңда.
Фото: "Қайрат" ФК
