Аустралия Түркияны жеңіп, әлем чемпионатын сенсациямен бастады
2026 жылғы футболдан әлем чемпионатының топтық кезеңінде Аустралия құрамасы күтпеген нәтиже көрсетіп, Түркияны жеңді, деп хабарлайды malimsports.kz.
D тобындағы кездесу Канаданың Ванкувер қаласындағы Би-Си Плэйс стадионында өтіп, аустралиялықтардың 2:0 есебіндегі жеңісімен аяқталды.
Ойынның 27-минутында Нестори Иранкунда мергендігімен көзге түсіп, Аустралияны алға шығарды. Голдық пасты Пол Окон-Энгстлер жасады.
Екінші таймда Түркия есепті теңестіруге тырысқанымен, матчтағы соңғы нүктені 75-минутта Коннор Меткалф қойды. Оның дәл соққысынан кейін есеп 2:0 болып, өзгеріссіз қалды.
Осылайша, Аустралия әлем чемпионатын сенсациялық жеңіспен бастаса, Түркия алғашқы турда ұпайсыз қалды.
Айта кетейік, осы топтағы тағы бір кездесуде АҚШ құрамасы Парагвайды 4:1 есебімен жеңген болатын. Бірінші турдан кейін АҚШ пен Аустралия үш ұпайдан жинап, D тобында көш бастады.
Фото: ©instagram.com/socceroos/
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
