"Ақтөбе" жаңа бас бапкер тағайындалғаннан кейін "Ұлытаумен" кездесуде тең түсті
Қазақстан Премьер-лигасының төртінші туры аясында өткен кездесуде «Ақтөбе» жезқазғандық «Ұлытаумен» 1:1 есебімен тең ойнады, деп хабарлайды malimsports.kz.
Матч Металлург стадионы алаңында өтіп, тартысты жағдайда аяқталды. Есепті екінші таймның 71-минутында «Ұлытаудың» грузиялық жартылай қорғаушысы Бека Вачиберадзе ашты.
Алайда ақтөбелік ұжым он минуттан кейін таразы басын теңестірді. Нигериялық шабуылшы Даниэль Созах есепті 1:1-ге жеткізді.
Бұл тең нәтиже «Ұлытауға» бес ұпай жинауға мүмкіндік беріп, команда турнирлік кестеде сегізінші орынға көтерілді.
Ал «Ақтөбе» төрт ұпаймен 11-орында тұр. Айта кетейік, бұл матчта ақтөбелік клубты жаңа бас бапкер — Қырғызстан құрамасының бұрынғы жаттықтырушысы, словакиялық Штефан Таркович бастап шықты.
Фото: "Ақтөбе" ФК
«Ордабасы» мен «Атырау» матчындағы қателіктерден кейін екі төреші уақытша шеттетілді
Ең көп оқылған
