Әлімжан Тасболатұлы Қазақстан-Бельгия матчы алдындағы күтетін нәтижесін бөлісті
Футбол блогері Әлімжан Тасболатұлы алдағы Қазақстан мен Бельгия құрамалары арасындағы ойынға қатысты пікірін айтты, деп хабарлайды malimsports.kz.
«Бельгия - өте мықты қарсылас екенін білеміз. Бірақ Талғат Маруұлы Байсуфинов айтқандай, ешкімнен қорқудың қажеті жоқ. Атакалық ойын көрсету керек. Оның үстіне матч өз алаңымызда өтеді, бұл - үлкен басымдық. Гол соғуға бірнеше мүмкіндігіміз болады деп ойлаймын», - деді сарапшы.
Оның айтуынша, бұл ойында ұпай алу - нағыз мереке болмақ.
«Егер осы кездесуде ұпай жинай алсақ - бұл үлкен қуаныш. Себебі Бельгия құрамасының құрамы өте мықты, тактикалық деңгейі жоғары. Бірақ футболда бәрі мүмкін. Көрейік. Біз сенеміз», - деп қосты Әлімжан Тасболатұлы.
Еске сала кетейік, 2026 жылғы әлем чемпионатының іріктеу кезеңіндегі соңғы матчын Қазақстан құрамасы өз жанкүйерлері алдында өткізеді.
Фото: Ашық дереккөзден
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
