Али Алиев футболдан Қазақстан ұлттық құрамасының бас бапкері қызметінен кетеді
Али Алиев Қазақстан ұлттық құрамасының бас бапкері қызметінен кететіні белгілі болды, деп хабарлайды malimsports.kz.
Қазақстан футбол федерациясы оның орнына 5–6 кандидатураны қарастырып жатыр. Сарапшылардың мәліметінше, таңдау шетелдік маманға түсуі ықтимал.
Бұл шешімге жақында өткен әлем чемпионатының іріктеу кезеңіндегі сәтсіз нәтиже де әсер еткен болуы мүмкін. Қазақстан құрамасы сырт алаңда Бельгиядан 0:6 есебімен ойсырай ұтылып, жанкүйерлер мен футбол қауымдастығының сынына ұшырады.
Сонымен қатар, 2026 жылдан бастап Қазақстан Премьер-лигасында 16 команда ойнайтыны ресми түрде бекітілді. Ережеге сәйкес, жаңа маусымнан бастап Премьер-лигадан бір команда төмен түссе, Бірінші лига командаларының үшеуі жоғарғы дивизионға жолдама алады.
Осылайша, қазақстандық футболда бапкерлік құрамдағы өзгерістермен қатар, ішкі чемпионаттың құрылымдық реформалары да жүзеге аспақ.
Фото: ҚФФ
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
