Әлем чемпионаты-2026: Бразилия мен Германия жарысты бастайды
14 маусым күні футболдан 2026 жылғы әлем чемпионатында В, С, D және Е топтарының командалары алғашқы турдағы кездесулерін өткізеді.
Жексенбі күні жанкүйерлердің назары әсіресе әлем футболының алпауыттары саналатын Бразилия мен Германия құрамаларына ауады. Бразилия С тобындағы алғашқы матчында Мароккомен кездессе, Германия Е тобында әлем чемпионатының дебютанты Кюрасаомен күш сынасады.
14 маусым күнгі матчтардың Қазақстан уақыты бойынша кестесі:
00:00 – Қатар – Швейцария (В тобы)
03:00 – Бразилия – Марокко (С тобы)
06:00 – Гаити – Шотландия (С тобы)
09:00 – Аустралия – Түркия (D тобы)
22:00 – Германия – Кюрасао (Е тобы)
Аталған ойындар «Qazaqstan» және «Qazsport» телеарналарынан тікелей эфирде көрсетіледі.
Еске салайық, әлем чемпионатында бұған дейін төрт кездесу өтті. А тобындағы матчтарда Мексика құрамасы Оңтүстік Африканы 2:0 есебімен жеңсе, Оңтүстік Корея Чехияны 2:1 нәтижесімен тізе бүктірді.
Жанкүйерлер алдағы ойындарда әлемдік футбол жұлдыздарының өнерін тамашалап, турнирдің алғашқы сенсацияларының куәсі болуға мүмкіндік алады.
Фото: Getty Images
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
